ISTORYA KA ONANG LOLONADAN SA RINCONADA
Ko Hulyo 1, 1914, usad na hobin na Amerikanong nagnenegosyo na si Albert Louise Ammen kaiba so pareyo niya amerikano na si Max Blouse nag-organisar sa sadir na kompanya sa lolonadan sa Iriga, Camarines Sur, na agko sana usad na truck. Binaoy niya so kompanya na ALATCO o A.L.Ammen Transport Co., inc. So ona niyang rota Iriga paiyan sa Naga. Naging matrayompo so kompanya na inorganisar ni Ammen kaya nagrogang na iya sa manga lolonadan na nagserbisyo sa manlainlain na banwaan sa Camarines Sur, Camarines Norte, Albay sagkud Sorsogon. So ALATCO so nangongonang lolonadan sa bilog na rehiyon Bicol.
Ko 1942 napondo mona so pagdakul ko lolonadan holi ko World War II. Nagpadagos adi otro ko 1945 na nagbakal sa manga lomang US Navy trucks United States Commercial Company, so kompanya nakaatobang sa makararaut na kompetisyon sagkud makalulumus na manga problemasa pagmintinar ka karayan sagkud arayo sa peligro bilang resolta ko pagdakul ko manga lolonadan sagkud natoralesa ko operasyon.
Ko 1949 so manga tagapagmana ni Don Nicasio Tuazon sa Manila amo na nagpadagos na namaala ko ALATCO sagkud sa pagrogang sa bagong capital, nagkaagko sira ambisyon na magpadagos na magrogang sagkud mag-osay. Usad na importanteng pagpakaraay ko panawon na adi ko kompanya amo a “disselization Program na naglipat ko manga mamanalun na gasolinang truck sa diesel.
Ko 1952 nag-operar so ALATCO sa 400 na lolonadan, sagkud so terminal nira ginibo sa Iriga. Minintinar man nira so biyahe sa Daet sagkud Labo, Camarines Norte; Naga CIty, Camarines Sur, Ligao, Tabaco sagkud Legaspi Albay sagkud Sorsogon.
Ko 1973 holi sa epekto ko kabiligon na katikapowan sagkud sa sonodsonod na pagtaas ko gasolina nalugo so PSEI. Nagkaagko bagong kagsadiri so ALATCO na amo a Mantrade Group ka pamilya ni Manuel Lopa and Jose Cojuangco, na ipinagpiritan na magtao sa serbisyo dawa nagbabaa, o agko manga kaulangan sa tinampo o dawa agko maraut na kondisyon sa tinampo. Nagrogang so otang sagkud naapektowan sa mataas na ginasto sa operasyon, kaya so manga pinagkakaotangan ko kompanya nagdesisyon na sira na mamaala ko kompanya.
Ko 1974 so bagong namamaala nagdesisyon na maggibo sagkud iimplementar a Corporate Rehabilutation Program. Ko taon man sanang adto so kompanya nagrogang sa byahe sa Catanduanes, Samar sagkud Masbate sa kandang operasyon.
Ko 1978 naglowas na sira sa lolonadan na manga aircon na nagrorota sa Luzon.
Ko 1981 So kompanya nagrogang naman sa manga lolonadan sagkud ibinalyo so central office nira sa Pasay City.
Ko 1981 So kompanya nagbokas man sa Eastern Visayas sagkud sa kataposan ko taon nakakonektar sira sa bilog na probinsiya ko Samar sagkud Leyte. Linuug naman ko PSIE so manga daongan sa barko, nakipagkonektar sira sa pantanlan ka Matnog Sorsogon sagkud Allen, Northern Samar.
Ko 1982 Bagong antas ko serbisyo nira inagoraran ta nagrogang sira sa Royal Class sagkud bagong air-conditioned na lolonadan na agko kasilyasan sagkud VCR. PSIE man a onang kompanya sa bus sa Pilipinas na computerized so kandang operasyon.
Ko 1984 PSEI, kaiba so darwang operator sa fairyboat nagkaagko pagsanib ko kandang manga kompanya, amo a St. Bernard Services Corporation (SBTC) na nag-ooperar ngowan sa San Bernardino Strait, na agko fairyboat sa gobyerno na Maharlika. Ko taon man sanang adto so kompanya binagowan sa ngaran na Philtranco Service Enterprises, Incorporated.
Ko Hunyo 2000 so 29 na uulaan na serbisiyo niya inintrodoser, nagserbi sana adi sa manga nangononang siyodad sa rehiyon ka Bikol, na agko nag-aasikaso sa manga pasahero, nagtatao sa pareyong serbisyo na arug ka sa eroplano.
Ko Hunyo 1, 2001 so PSEI nag-implementar sa Passenger Check-in sagkud Baggage Tag System para sa segoridad, conveniente sagkud kagaanan para sa manga nagbibiyayi. PSEI amo a onang kompanya sa bus sadi Pilipinas na naggibo ka sistemang adi na arug ka sa eroplano. Ngowan a Philtranco, simbolo sa progreso sa indostriya ka manga lolonadan sadi Pilipinas. A companya padagos na nagdidisidir kaiba a manga pagbabago sa kandang serbisyo.
Sagkud ko 2010 a Philtranco nagpalowas sa bagong klase ka Deluxe Service nira na binabaoy na Piltranco Airbus 380, amo adi a bagong irinogang ka Executive Class fleet ka Philtranco. 26 na uulaan na natotomba saigo na agko pa papaingaloan ka legs 2x1 na pagkaosay, 2 flatscreen TV (sa onaan sagkud sa bitnga), agko stereo sa palibot na DVD a gamit sagkud kasilyasan. A oroalduw na byayi nira paiyan sa Naga sagkud Legaspi galin Pasay/Cubao/Alabang sagkud Turbina. Gosto ninyong magbyayi arug sa Eroplano. Sa Philtranco sana.
